Rəmiş (Rafiq Hüseynov) hələ reanimasiyadadır. Hazırda səhhəti nə pisdir, nə də yaxşı. ONN media xəbər verir ki, bunu kult.az-a açıqlamasında xalq artisti Rafiq Hüseynovun həyat yoldaşı Güllü Hüseynova deyib. O bildirib ki, Rəmişin palataya nə zaman köçürüləcəyi məlum deyil: “Xəstəxanaya huşsuz vəziyyətdə, xərəkdə gətirilmişdi. İndi şükür olsun ki, əvvəlki ilə müqayisədə müsbət dəyişiklik var”. Qeyd edək ki, ötən gün Bakı Sağlamlıq Mərkəzinin şöbə müdiri Cavid Paşayev xalq artistinin müayinədən sonra palataya köçürülmə ehtimalının olması barədə açıqlama vermişdi.