Ermənistan Baş naziri Nikol Paşinyan Gorus-Qafan yolunun Azərbaycan tərəfindən qapadılmasını şərh edib.

ONN media xəbər verir ki, Paşinyan baş verənlərə görə keçmiş hakimiyyəti günahlandırıb.

“Gorus-Qafan yolunun bir hissəsi sərhəd xəttinə çıxır və köhnə xəritələrə görə, Azərbaycanın ərazilərinə daxil olur. Bu situasiya 2010-cu ildə Ermənistan hökumətinin qəbul etdiyi “Administrativ ərazi bölgüsü haqqında” Qanunla möhkəmləndirilib. Ermənistan hökuməti o zaman bu gün mübahisəli hesab olunan əraziləri Azərbaycan ərazisi kimi tanımışdı. Bizə deyirlər ki, siz anklavları vermək istəyirsiniz. O zaman cavab verin görək, niyə “Şimal-Cənub” avtomagistralının layihələndirilməsi zamanı yol indi satmaqda ittiham olunduğumuz ərazilərdən keçmirdi? Nə Arazdəyəndən, nə Kərkidən, nə də Çanaxçıdan yol keçir. Mən seçkiqabağı kampaniya zamanı 1999-cu ilin sənədlərindən sitat gətirirdim. Orada hər şey var idi. Niyə layihələndirmə zamanı yol Bərgüşad boyunca və Şurnux kəndindən keçmədi. Bu, imkan verir ki, bu əraziləri indiki hökumətin mübahisəli etmədiyini deyək”, – deyə o bildirib.(axar.az)