Ermənistan baş naziri Nikol Paşinyan 2022-ci ilin dövlət büdcəsi layihəsini parlamentdə təqdim edib.

ONN media xəbər verir ki, hökumət başçısı ordu quruculuğu ilə bağlı ətraflı məlumat verib.

“Ermənistan özgə torpaqlarını işğal etmək planı yoxdur. Təhlükəsizlik sistemi baxımından isə ordunun modernləşdirilməsi ilə yanaşı, Ermənistan, Qarabağ və region üçün sülh dövrünün açılması naminə münbit şərait yaradılmalıdır”.

Paşinyan sülh dövrünün başlanmasına düşmənçiliyin aradan qalxması, ATƏT-in Minsk qrupunun vasitəçiliyi ilə sülh danışıqlarının bərpası və regionun iqtisadi və infrastruktur kommunikasiyalarının açılmasını arqument gətirib.   /Modern.az/