Ordu ilə bağlı məsələ canlı efirdə müzakirə edilərkən, mən özümün və digərlərinin səhvini təkrarlamaq istəmirəm. Hökumət öz proqramında strategiyasını, hədəf və məqsədlərini dəqiq qeyd edib: biz orduda islahatlar aparacağıq.

ONN media xəbər verir ki, bu sözləri Ermənistan Baş naziri Nikol Paşinyan bu gün sosial şəbəkə üzərindən keçirdiyi mətbuat konfransında deyib.

“Birincisi, biz peşəkar ordu quruculuğu yolu ilə getməliyik. Bu, muzdlulardan ibarət ordu demək deyil. Biz ordunun qarşısına ərazilər tutmağı məqsəd qoymayacağıq. Bizim ordunun vəzifəsi – Ermənistanın ərazi bütövlüyünü qorumaqdır. Həmçinin bildirmək istəyirəm ki, təhlükəsizliyimizin bütün yükünü də ordunun üzərinə qoymaq istəməzdim. Ordunu yükləmək yox, xarici siyasətlə, sülh niyyəti ilə onun işini asanlaşdırmaq lazımdır.

Əlbəttə, bizə güclü, döyüşə bilən, beynəlxalq standartlara uyğun ordu lazımdır. Ancaq bu ordu Ermənistanın aqressiv siyasətinin ifadəçisi olmayacaq, əksinə, region və Ermənistanın sülh erasının açılmasının ifadəçisi olacaq”, - Paşinyan bildirib.