Bakıda sürücülərin ən çox istifadə etdiyi Ziya Bünyadov prospektindəki tunel qaranlığa qərq olub.

20 Yanvar dairəsindən Ziya Bünyadov prospektinə gedən zaman ilk tuneldə işıqlandırma çox aşağı səviyyədədir. Daha çox günün işıqlı vaxtında sürücülər təhlükə ilə üzbəüz qalır. Belə ki, işıqdan qəfil qaranlıq tunelə daxil olan sürücü qarşıdakı avtomobili görməkdə çətinlik çəkir. Çünki qəfil işıqdan qaranlığa girmək müəyyən adoptasiya tələb edir.
Tuneldə isə işıqlandırma çox zəif təşkil olunub. İstifadə edilən lampalar sanki qənaətə hesablanıb. Amma əvvəllər tuneldə bu cür vəziyyət yox idi. Aidiyyəti qurumlar bu məsələyə təcili müdaxilə etməlidir. Çünki həmin tuneldə qəza baş verərəsə saatlarla tıxac yaranır ki, bu da ciddi problemlərə səbəb olur.