Kiyev şəhərində tikintisi davam edən Ukrayna-Türkiyə zavodunda yeni nəsil reaktiv pilotsuz uçuş aparatları istehsal ediləcək.

ONN media xəbər verir ki, bunu Üçtərəfli Əlaqə Qrupunda Ukrayna nümayəndə heyətinin nümayəndəsi Aleksey Arestoviç deyib.

Onun sözlərinə görə, zavodda həm Ukrayna, həm də Türkiyə PUA-ları, o cümlədən "Anka" pilotsuz uçuş aparatları istehsal ediləcək.

A.Arestoviç qeyd edib ki, plana əsasən zavod ilk məhsullarını gələn ilin sonunda buraxacaq.