Bakı Nəqliyyat Agentliyinin İctimaiyyətlə əlaqələr və maarifləndirmə şöbəsinin müdiri Səmayə Məmmədova BNA ilə yollarını ayırmaq qərarına gəlib.

ONN media xəbər verir ki, məlumatı Səmayə Məmmədova təsdiqləyib.

“BNA-dan ayrılmaq qərarı verdim. Artıq ərizəmi rəhbərliyə də təqdim etmişəm. Dekabrın 30-u qurumda son iş günümdür”, - S.Məmmədova bildirib.

Növbəti iş yerinin hara olacağı ilə bağlı suala isə o, belə cavab verib:

“Hələ qərar verməmişəm. Bu gün mənim üçün ən önəmli olan PR sahəsində 22 illik təcrübəm əsasında yazdığım “Peşəkarlığın rəsmi” kitabının təqdimat mərasimidir. Sonrasını zaman göstərəcək”.