"Nikol Paşinyan özünü 2018-ci il inqilabının varisi kimi təqdim edir. Amma yoxsulluğun 30% olduğu ölkədə ilk olaraq inqilabçı məmurlar öz maaşlarını qaldırdılar. Paşinyanın nazirləri öz maaşlarını 1,5 milyon (5196 manat), digər yüksək rütbəli məmurlar isə 1 milyon drama (3464 manat) çatdırdılar. Bu da hamısı deyil".

ONN media  xəbər verir ki, bunu erməni ictimai-siyasi xadim Hayk Davtyan deyib. O bildirib ki, özünü "təmiz adam" kimi göstərməyə çalışan Ermənistanın baş naziri hazırda lüks həyat yaşayır:

"O, 2019-cu ildə özünə 200 000 dollarlıq maşın aldı. Bir ay sonra onun bütün siyasi komandası eyni cür addım atdı. Paşinyan utanmadan özünün və komandasının bu addımına haqq qazandırır. Bunu ölkənin nüfuzu ilə əlaqələndirir. Paşinyanın bu addımları Ermənistana prestij gətirmir. Əksinə, ölkəmizi alçaldır. Çünki sənin ölkəndə əhalinin 30 faizi acdır və sən 200 000 dollarlıq maşında gəzirsən. Üstəlik, Nikolun xəyanətkar komandası var. O, hakimiyyətdən gedəndən sonra Paşinyanı ən çox söyən onlar olacaq. Çünki dostluq etməyi, axıra qədər əqidələrinin arxasınca getməyi bilmirlər".