Ermənistan Baş naziri Nikol Paşinyan ABŞ-la oyun oynamağı dayandırmalıdır.

ONN media xəbər verir ki, bu sözləri öz Tvitter səhifəsində amerikalı məşhur politoloq Pol Stronski yazıb.

“Paşinyanın hakimiyyətə gələndən sonra ABŞ Ermənistana yardımı əhəmiyyətli dərəcədə artırıb. Söz verib, yavaş-yavaş pul verən AB-dən fərqli olaraq, Ermənistan 6 ay ərzində ABŞ-dan 14 milyon dollar əlavə maliyyə əldə edib. Keçən il ABŞ faktiki olaraq Ermənistana 25 milyon dollar təqdim edib. ABŞ Ermənistana bundan da çox verməyə hazırdır, amma Paşinyan siyasi prioritetlərini müəyyən etməli və onun proqramı aydın olmalıdır”, – deyə o bildirib.

Onun sözlərinə görə, Ermənistanın Suriyaya humanitar missiya göndərməsi ABŞ üçün böyük məsələdir:

“Ermənistan, Qazaxıstan, Qırğızıstan və Belarus uzun müddət Rusiyanın Suriyaya qüvvə göndərilməsiylə bağlı təzyiqlərinə müqavimət göstəriblər. Ermənistan bu ölkələr arasında Moskvanın istəklərini icra edən yeganə ölkə oldu. ABŞ bu erməni istehkamçılara Ermənistanın minalardan təmizlənməsi proqramı çərçicəvəsində təlim keçib. Bu istehkamçıların Suriyada Rusiya ilə birgə yerləşdirməsi xüsusilə Amerika auditoriyası üçün pis görünür”.axar.az