2021-ci ilin dekabrında Azərbaycana 15 ölkədən 97 748 nəfər səfər edib.

ONN media xəbər verir ki, bu barədə Dövlət Turizm Agentliyinin açıqladığı siyahıda qeyd olunub.

Bu isə 2020-ci ilin dekabr ayı ilə müqayisədə 2,5 dəfə və ya 151% artım deməkdir.

Siyahıya əsasən ilk üç yeri 29 324 nəfərlə Rusiya, 19 931 nəfərlə Türkiyə və 13 029 nəfərlə İran tutub.

Növbəti yerlərdə 7 734 nəfərlə Birləşmiş Ərəb Əmirlikləri, 6 552 nəfərlə Gürcüstan, 3 387 nəfərlə Səudiyyə Ərəbistanıı, 1 760 nəfərlə Hindistan, 1 606 nəfərlə Ukrayna, 1 349 nəfərlə Küveyt, 1 230 nəfərlə Qazaxıstan, 769 nəfərlə Böyük Britaniya, 739 nəfərlə Almaniya, 728 nəfərlə İsrail, 684 nəfərlə Özbəkistan və 682 nəfərlə Çin qərarlaşıb.