Rusiya Ukrayna ordusunun Donbas bölgəsində təxribat törətməklə və ya NATO-nun Ukrayna ordusu ilə Rusiya sərhədlərini pozması ilə bağlı iddialardan Ukraynaya müdaxilə üçün zəmin hazırlayacaq.

ONN media xəbər verir ki, belə bir iddia ilə ABŞ Dövlət Departamentinin sözçüsü Ned Prays çıxış edib.

Rusiya mediasının məsələ ilə bağlı çoxsaylı dezinformasiya məlumatlar verdiyini iddia edən Prays bunların hər hansı birinin işğala bəhanə ola biləcəyini və dünyanın belə xəbərlərə hazır olmasının zəruriliyini qeyd edib: “Buraya Ukraynanın Donbas bölgəsindəki hərbi fəaliyyəti, bizim və ya NATO-nun havada, quruda və ya dənizdə hərbi fəaliyyətləri, hətta Ukrayna və ya NATO-nun Rusiya sərhədlərini pozması ilə bağlı məlumatlar daxil ola bilər”, - Prays bildirib. 

Onun fikrincə, Rusiya bir bahanə axtarıb Ukraynaya hücum edəcək: “Rusiya işğala zəmin hazırlamaq üçün bu cür fikirləri irəli sürür”.

Fevralın 16-da Rusiya qüvvələrinin Ukraynaya girəcəyi ilə bağlı mətbuatın verdiyi məlumatlarla bağlı ABŞ kəşfiyyatının suallarını cavablandıran Prays bu istiqamətdə rəsmi açıqlamalarının olmadığını  deməklə yanaşı, məlumatların etibarlı olduğunu və işğalın hər an başlaya biləcəyini qeyd edib.