Fransa prezidenti Emmanuel Makronun Avropada təhlükəsizlik və strateji sabitliyə dair sammitin keçirilməsi təklifi Rusiya lideri Vladimir Putin və ABŞ lideri Cozef Bayden tərəfindən qəbul edilib.

ONN media xəbər verir ki, bu barədə Yelisey sarayının mətbuat xidməti məlumat yayıb.

Fransa liderinin Avropada təhlükəsizlik və strateji sabitliyə dair ABŞ prezidenti Bayden və Rusiya prezidenti Putin arasında, daha sonra isə bütün maraqlı tərəflərlə sammitin keçirilməsini təklif etdiyi vurğulanır. Rusiya və Amerika liderləri Makronun təklifini qəbul ediblər.

Sammitlə bağlı məsələlər  ABŞ dövlət katibi Entoni Blinken və Rusiyanın xarici işlər naziri Sergey Lavrov fevralın 24-nə planlaşdırılan görüşdə müzakirə olunacaq.

Yelisey sarayının mətbuat xidməti qeyd edir ki, sammit yalnız Rusiya Ukrayna ərazisini işğal etməyəcəyi  halda mümkün olacaq.

Rusiya prezidenti Putin və Fransa lideri Makron bir gündə iki dəfə telefon danışığı aparıblar. Ümumilikdə Rusiya və Fransa başçıları üç saata yaxın danışıblar.