Böyük Britaniya qondarma DXR və LXR-in müstəqilliyinin tanıması ilə əlaqədar Rusiyaya qarşı sanksiyaların siyahısını genişləndirəcək.

ONN media  xəbər verir ki, bunu BMT Təhlükəsizlik Şurasının iclasında Britaniyanın təşkilatdakı daimi nümayəndəsi Barbara Vudvord bildirib.

“Birləşmiş Krallıq beynəlxalq hüququn pozulmasına, Ukraynanın suverenliyinə və ərazi bütövlüyünə hücuma cavab olaraq Rusiyaya qarşı yeni sanksiyalar elan edəcək. Bu hərəkətlərin ciddi iqtisadi nəticələri olacaq. Təhlükəsizlik Şurası suveren dövlətə qarşı təcavüzü pisləmək üçün Rusiyanı dərhal gərginliyi azaltmağa çağıran yeganə qurum olmalıdır. Ukraynanın ərazi bütövlüyünü müdafiə edərək Rusiyanı BMT Nizamnaməsindən irəli gələn öhdəliklərinə əməl etməyə çağırırıq”, - diplomat qeyd edib.

Qeyd edək ki, Rusiya Prezidenti Vladimir Putin Ukraynanın müvəqqəti işğal olunmuş ərazilərində yaradılan qondarma DXR və LXR-in tanınması haqqında fərman imzalayıb.