İki rusiyalı milyarderin Ukrayna ilə müharibəyə qarşı çıxdığı bəlli olub.

ONN İnformasiya Agentliyi Reuters agentliyinə istinadən xəbər verir ki, milyarderlər Mixail Fridman və Oleq Deripaska müharibəni dayandırmağa çağırıb.

Müharibə əleyhinə ilk çıxış edən Alfa Bankın ortaq sahibi Mixail Fridman "Mən əminəm ki, müharibə heç vaxt həll yolu ola bilməz. Bu böhran canlar bahasına başa gələcək və yüz illərdir qardaş olan iki xalqa zərər verəcək. Mən Ukrayna və Rusiya xalqlarına çox bağlıyam və bu münaqişəni hər iki xalq üçün faciə kimi görürəm" deyə fikirlərini ifadə edib.

Digəri isə, “Basic Element” holdinq şirkətinin sahibi, Vladimir Putinə yaxın sayılan oliqar Oleq Deripaska öz teleqram kanalında "Sülh çox vacibdir! Danışıqlar mümkün qədər tez başlamalıdır!" - fikrini bildirib. Xatırladaq ki, Oleq Deripaskaya qarşı Rusiya prezidentinə yaxın şəxs kimi ABŞ tərəfindən sanksiya tətbiq edilib.