“Ukraynadakı Putin ordusu ukraynalı hərbçiləri məğlub edə bilmədiyi üçün dinc əhalini və şəhərləri məhv edir”.

ONN media xəbər verir ki, bunu rusiyalı müxalifətçi İqor Yakovenko deyib.

O, Putinin ehtiyatda istifadə edə biləcəyi nüvə silahının olduğunu da xatırladıb.

“Mən daha eskalasiyadan başqa variant görmürəm. Onun üçün hansısa danışıqlar cəhdi, bu müharibədən başqa çıxış yolu sadəcə mümkün deyil. Müharibə dayanana qədər Putin dinc əhalini, Ukrayna şəhərlərini məhv edəcək” - Yakovenko bildirib.

Onun fikrincə, danışıqlar variantı Putin üçün də, Vladimir Zelenski üçün də mümkün deyil: “Bütün bunlar ona görədir ki, Putin platforması qeyri-mümkün şeylər təklif edir”.

Xatırladaq ki, Ukrayna Prezidenti Vladimir Zelenski bildirib ki, müharibənin dayandırılması ilə bağlı razılaşmalar Vladimir Putinlə olmalıdır: “Lakin o, bu prosesi gecikdirir. Biz Rusiya Federasiyasının prezidenti ilə razılığa gəlməliyik. Razılığa gəlmək üçün isə o, Ukrayna, Rusiya və Belarus istisna olmaqla, dünyanın istənilən yerində mənimlə görüşə gəlməlidir”.