ABŞ prezidenti Co Bayden NATO-nun baş tutacaq fövqəladə sammitində Rusiyanın Ukraynaya hücumunun qarşısını almaq və müdafiəsi ilə bağlı məsələləri müzakirə edəcək. O, Avropa Şurasının iclasında da iştirak edəcək.

ONN media  xəbər verir ki, bunu Ağ Evin mətbuat katibi Cen Psaki keçirdiyi brifinqdə deyib.

Onun sözlərinə görə, ABŞ lideri bu ayın sonunda Brüsselə səfər edəcək və burada Rusiyanın Ukraynadakı əməliyyatı fonunda davam edən çəkindirmə və müdafiə səylərini müzakirə etmək üçün martın 24-də NATO-nun fövqəladə sammitində iştirak edəcək.

"O, həmçinin Ukrayna ilə bağlı bizi ümumi narahat edən məsələləri, o cümlədən Rusiyanın iqtisadi xərcləri öz üzərinə götürməsini təmin etmək, humanitar yardım göstərmək üçün transatlantik səyləri müzakirə etmək üçün planlaşdırılan Avropa Şurasının sammitində iştirak edəcək", - Psaki əlavə edib.