İlin ən pis filmi, rejisoru və aktyorlarının seçildiyi "Qızıl Moruq" anti-mükafatının həmtəsisçiləri və təşkilatçıları aktyor Brüs Uillisdən mükafatı geri götürdüklərini açıqlayıblar.

ONN media xəbər verir ki, bu barədə "IndieWire" məlumat yayıb. Bildirilib ki, qərar aktyorun səhhətində yaranan problemlə əlaqəlidir:

“Xeyli müzakirələrdən sonra Brüs Uillisə qoyulan diaqnoza görə mükafatı ondan geri götürmək qərarını aldıq. Əgər xəstəlik aktyorun sənətinə və ekran işinin keyfiyyətinə təsir edərsə, buna görə "Qızıl Moruq" mükafatının verilməsi qəbuledilməzdir".

Qeyd edək ki, bir müddət əvvəl Uillisin ailəsi aktyora afaziya diaqnozu qoyulduğunu və bu səbəbdən karyerasını bitirmək məcburiyyətində olduğunu açıqlayıb.

Sənətçi 2021-ci ildə təqdim olunan 8 filmdə canlandırdığı rollara görə "2021-ci ilin ən pis Brüs Uillis filmi" kateqoriyasında qalib seçilib.