Böyük Britaniya Ukraynada davam edən müharibə ilə bağlı 206 fiziki və hüquqi şəxsə sanksiya tətbiq edib.

Siyahıda Azərbaycan əsilli rusiyalı iş adamı, “LUKoyl” şirkətinin prezidenti və həmtəsisçisi Vahid Ələkbərov da var.

Ukraynanın “Müxalif platforma - Həyat naminə” partiyasının siyasi şurasının sədri Viktor Medvedçuk, “Rusiya Dəmir Yolları”nın keçmiş prezidenti Vladimir Yakunin də sanksiya tətbiq edilən şəxslər arasındadır.

“LUKoyl”u idarə etməklə Vahid Ələkbərov Rusiya hökumətindən faydalanmağa və ya onu dəstəkləməyə davam edir”, - sənəddə deyilir. 

Sanksiyaların tətbiqi həm də Rusiya hökuməti üçün “energetika sektorunun strateji əhəmiyyəti” ilə əsaslandırılıb.