Gürcüstan müxalifəti 9 May - faşizm üzərində Qələbə Gününün mayın 8-nə dəyişdirilməsi təşəbbüsünü irəli sürüb.

ONN media xəbər verir ki, bununla bağlı müxalifət Əmək Məcəlləsinə hazırladıqları düzəlişlər layihəsini parlamentə təqdim edib.

Qanun layihəsinin təşəbbüskarlarından biri Giorgi Vaşadze qeyd edib ki, Gürcüstan faşizm üzərində qələbəni Rusiya ilə deyil, Avropa ölkələri ilə bir gündə qeyd etməlidir.

Parlamentin sədri Şalva Papuaşvili isə bu təklifi dəstəkləmədiklərini bildirib. O qeyd edib ki, 9 May NATO üzvü olan Rumıniya və Holokost faciəsinə məruz qalmış İsraildə də Qələbə Günü kimi qeyd edilir.

İclasda çoxluğun qərarı ilə qanun layihəsinə sürətləndirilmiş qaydada baxılması məsələsi dəstəklənməyib.(publika.az)