Rusiya hakimiyyəti müharibədən sonra Rusiyadan gedən sənətçilərin adlarının mediada hallanmasına qadağa qoymağı düşünür.

ONN media xəbər verir ki, bunu Krım bölgəsindən senator, Federasiya Şurasının Xarici İşlər Komitəsinin üzvü Sergey Tsekov deyib.

Tsekov bildirib ki, onlar Rusiya əleyhdarı insanlardır və adları həmişəlik unudulmalıdır:

“Nekroloqdan başqa həmin sənətçilər üçün heç bir məlumat yazılmamalıdır. Onlar barədə pis xəbər belə reklam sayılır. O ulduzları reklam edirik? Qəbul ediləcək qərarda bu cür qadağanın pozulmasına görə cəza da göstərilməlidir. Bu qanun layihəsi Rusiyada qəbul edilsə, Rusiyanı tərk edən sənətkarları bir ildən sonra heç kim xatırlamayacaq”.