Hindistanda iki bacı elektrik kəsilməsi nəticəsində tanımadıqları kişilərlə evlənib.

ONN media xəbər verir ki, Hindistanın Madhya-Pradeş əyalətinin Aslana kəndində keçirilən kütləvi toy mərasimində elektrik enerjisinin kəsilməsi çaşqınlıq yaradıb.

Mərasimin ortasında ətrafın qəfil qaranlığa qərq olması ilə keşiş toylarının keçiriləcəyini gözləyən iki bacını digər bəylərlə evləndirib.
Bacıların evləndikləri kişiləri tanıyıb-tanımadığı açıqlanmasa da, elektrik enerjisinin bərpa olunması ilə hadisə üzə çıxıb.

Toyda iştirak edən qohumlarından biri “The Independent”ə bildirib ki, bacılar yerli adət-ənənələrə uyğun olaraq eyni gəlin paltarını geyinib və üzlərini örtüblər.
Gəlinlərin atası Rameş Lal keşişin qızlarını geyindiyi paltara görə səhv salmış ola biləcəyini deyib.
Yanlışlıq səlahiyyətlilərin müdaxiləsi ilə qısa müddətdə aradan qaldırılıb.

Qeyd edək ki, Hindistanda enerji tələbatının artması səbəbindən elektrik kəsintisi tez-tez yaşanır.