Ölkə ərazisində havanın temperaturunun yüksəlməsi ictimai nəqliyyatda kondisionerlərin işə salınmasını zəruri edib.

Kondisionerlərin çalışmaması bu gün avtobus marşrutları ilə hərəkət edən sərnişinlərin narahatlığına yol açıb. Sürücülər isə öznövbəsində sərinləşdiricilərin qoşulmasına icazə verilmədiyini bildiriblər.

"Ölkə.Az" məsələ ilə bağlı Bakı Şəhər İcra Hakimiyyəti başçısının tabeliyində Bakı Nəqliyyat Agentliyinə müraciət edib. Qurumdan bildirilib ki, müntəzəm sərnişindaşıma fəaliyyəti ilə məşğul olan hüquqi və fiziki şəxslərə yay mövsümünə keçidlə əlaqədar zəruri tədbirlərin görülməsi barədə xəbərdarlıq məktubu göndərilib. 

"Məktubda son günlərdə havanın temperaturunun yüksəlməsini nəzərə alaraq marşrutlar üzrə kondisionerlərlə təchiz olunan avtobuslarda havalandırma sisteminin 01.06.2022-ci il tarixindən iqlim şəraitinə uyğun tənzimlənməsi tapşırılıb", - deyə açıqlamada qeyd olunub.