Son aylar Ermənistan ordusunda baş verən ölüm hadisələrinə bir sıra amillər, o cümlədən 44 günlük müharibənin vurduğu psixoloji zərbə ilə bağlıdır.

ONN media xəbər verir ki, bunu Ermənistanın müdafiə nazirinin müavini Arman Sərkisyan parlamentdə jurnalistlərə açıqlamasında deyib.

O, son vaxtlar erməni ordusunda hərbçilərin davamlı intihar etməsi ilə fikri ilə razılaşıb:

"44 günlük müharibədən sonra psixoloji faktorlar təsir edir. Bununla belə, vəziyyətin hərtərəfli təhlilinə və səbəb-nəticə əlaqəsinin müəyyənləşdirilməsinə ehtiyac var. Anlamalısınız ki, ordu cəmiyyətin güzgüsüdür, orada hər kəs təmsil olunur. Bu, erməni reallığının əksidir. Bu, əlbəttə ki, pisdir. Amma reallıq budur”, - Sərkisyan bildirib.