“Türkiyədə qarşıdan gələn ümumi seçkilərdə müxalifətin namizədinin Cümhuriyyət Xalq Partiyasının (CHP) lideri Kamal Kılıçdaroğlu olacağı ehtimalı böyükdür. Amma müxalifət bloku daxilində Ankara meri Mansur Yavaşa rəğbət var”.

ONN media xəbər verir ki, bu barədə “Hürriyet” qəzeti mənbələrinə istinadən yazıb.

"Kılıçdaroğlunun prezidentliyə namizədliyi ilə bağlı məlumatlar var. Martın 2-də keçiriləcək iclasda onun prezidentliyə namizədliyi müzakirə olunacaq. CHP-dən yalnız Kılıçdaroğlunun adı masada olacaq. Martın 2-də keçiriləcək toplantıdan əvvəl ən mühüm hadisə Akşenerlə (İYİ Partiya lideri) Kılıçdaroğlu arasındakı görüş oldu... Hər iki tərəfdə “müsbət görüş oldu” təəssüratı var. CHP Akşenerin Kılıçdaroğlunun namizədliyinə qarşı çıxmayacağını güman edir”, - qəzet yazır.

Qeyd edilib ki, müxalifət bloku Ankara bələdiyyə sədri Mansur Yavaşa rəğbət bəsləyir.

Daha əvvəl “Habertürk” telekanalı öz mənbələrinə istinadən xəbər vermişdi ki, silsilə dağıdıcı zəlzələlər fonunda Türkiyədə ümumi seçkilər altı aydan bir ilə qədər təxirə salına bilər. Nəşrin məlumatına görə, Ali Seçki Komissiyası hakim partiyanın tələbi ilə müvafiq təşəbbüslə çıxış edəcək. Bununla belə, prezidentin sözçüsü İbrahim Kalın qarşıdakı günlərdə əks siyasi konsensus olmadığı təqdirdə, may ayında ümumi seçkiyə doğru bir tendensiyaya işarə edib.

Türkiyə prezidenti Rəcəb Tayyib Ərdoğan daha əvvəl bildirib ki, Türkiyədə ümumi (həm prezident, həm də parlament seçkiləri) mayın 14-nə təyin edilib. O deyib ki, mart ayında hökumət parlamentə mayın 14-nü ümumi seçkilərin tarixi kimi qəbul etməyi təklif edəcək və bundan imtina edəcəyi təqdirdə prezidentin səlahiyyətlərindən istifadə edəcək. Ərdoğanın səlahiyyətləri fərmandan 60 gün sonra parlamenti buraxmaq və növbədənkənar seçkilər təyin etmək üçün kifayətdir. Ərdoğan Respublika İttifaqından namizəd olacaq.

Türkiyədə altı müxalifət partiyasının ittifaqı martın 2-də prezidentliyə vahid namizədin adını açıqlamaq niyyətindədir.