Aviasiya eksperti Vadim Mixeyev İran prezidenti İbrahim Rəisinin helikopterinin qəzaya uğramasını şərh edib və insidentin mümkün səbəbləri barədə danışıb.

ONN media Rusiya mətbuatına istinadən xəbər verir ki, ekspert fəlakətin ən çox ehtimal olunan səbəbi kimi pis hava şəraitində pilotun səhvi olduğunu deyib.

Güclü duman var idi. Heç nə görmürsən və vertolyotun sürəti yüksəkdir - buna görə dağa çırpılırsan, pilotun reaksiya verməyə vaxtı yox idi. Bu çiynənmiş bir hekayədir".

Eyni zamanda, Mixeyev qeyri-münasib hava şəraitində uçmaq əmrinin şəxsən dövlət başçısı tərəfindən verildiyini etiraf edib və əlavə edib ki, “hava dispetçerləri prezidentin helikopterinə aid deyil”.

Qeyd edək ki, ötən gün İran prezidentini daşıyan helikopter qəzaya uğrayıb. Təyyarədə həmçinin İslam Respublikasının xarici işlər naziri Hüseyn Əmir Abdullahian, Mələk Rəhməti və Təbrizin cümə imamı Məhəmməd Əli Ale Haşim də olub.

İran Qızıl Aypara Cəmiyyətinin rəhbəri Pir Hüseyn Kolivənd bildirib ki, qəza nəticəsində helikopterin bütün sərnişinləri və ekipaj üzvləri həlak olub. İranın vitse-prezidenti Möhsün Mənsuri prezidentin ölümü ilə bağlı xəbərləri təsdiqləyib.