İstanbul bələdiyyə sədrliyinə namizəd Binəli Yıldırım seçki məntəqəsinə gələrək səs verib. ONN media xəbər verir ki, Yıldırım səsvermədən sonra jurnalistlərin suallarını cavablandırıb. “Səs verdik. Vətəndaşlıq vəzifəmizi yerinə yetirdik. İnşallah bu gün səsvermə müdəti başa çatdıqdan sonra səslər sayılacaq və istanbullular gələcək 5 il ərzində şəhərə kimin rəhbərlik edəcəyinə qərar verəcəklər. İstanbul əhalisinin verdiyi qərarın başımız üstündə yeri var. Ən doğru qərarı verəcəklərinə inanıram. Mayın 6-dan etibarən kampaniyamız gedir, lahiyələrimizi, vədlərimizi təqdim etmişik. Bir danışdıq, iki dinlədik. Bu gün danışmaq növbəsi seçiçilərindir. Bu gün küsülülükləri geridə qoyub, gələcəyə köklənmə zamanıdır deyə düşünürəm. Bilərək, bilməyərək səhv etmişiksə, halallıq istəyirəm”, - Yıldırım bildirib.