Avropa Birliyinin (AB) Türkiyə və Şimali Kipri heçə sayan münasibətini qəbul etmirik. ONN media xəbər verir ki, bunu Avropa Birliyinin Türkiyənin Şərqi Aralıq dənizində qazma işləri aparması səbəbindən sanksiya tətbiq etməsinə münasibət bildirən CHP başqanının müavini Ünal Çeviköz bildirib. Çeviköz AB-nin sözügedən qərarının Kipr probleminin dinc yolla həllinə yardım etməyəcəyini qeyd edib: "AB Cənubi Kiprlə Şimali Kipr arasındakı münaqişəni həll etmədən birincini üzv kimi qəbul etməklə böyük səhvə yol vermişdi. Birliyin ikinci böyük səhvi Annan planına "hə" deyən Şimali Kiprə sanksiyanı ləğv etməməsi olmuşdu. Üçüncü böyük səhv isə Şərqi Aralıq dənizində aparılan qazma işləri ilə bağlı tətbiq edilən sanksiyalardır".axar.az