Britaniya tankerinin saxlanılması ilə bağlı İran ətrafında baş verən gərginliyin aradan qaldırılmasında Rusiya yardımçı ola bilər. ONN media xəbər verir ki, bu sözləri Rusiya Federasiya Şurasının Beynəlxalq Münasibətlər Komitəsinin sədri Konstantin Kosaçev deyib. “SEPAH tərəfindən Böyük Britaniyaya məxsus tankerin Hörmüz boğazında saxlanılması şübhəsiz ki, regionda İran və Qərb arasında gərginliyin növbəti epizodudur”, - deyə Kosaçev bildirib. Qeyd edək ki, İran tərəfi Böyük Britaniyaya məxsus "Steno İmpero" neft tankerini saxlayıb.