Türkiyə və ABŞ arasındakı bəzi problemlərin iki ölkənin münasibətlərinə mənfi təsir etməməsi üçün tədbirlər görülməlidir. ONN media  xəbər verir ki, bunu Türkiyənin ABŞ-dakı səfiri Sərdar Kılıç deyib. “Vaşinqtonun YPG/PKK-ya verdiyi dəstək, FETÖ liderinə qarşı addımlar atmaması, Türkiyənin F-35 proqramından çıxması və Cənubi Kiprə tətbiq etdiyi silah embarqosunu qismən ləğv etməsi iki ölkə arasındakı əsas problemlərdir. Bu problemlərin qarşısı alınmazsa, ABŞ-Türkiyə arasındakı iqtisadi münasibətlərə zərər dəyə bilər. Düşünürəm ki, iqtisadi və siyası problemləri ayrı-ayrılıqda müzakirə etməliyik”, - səfir bildirib.