“Huavey” şirkəti 5G baza stansiyalarında ABŞ istehsalı olan parçalardan artıq istifadə etmədiyini bildirib. ONN media xəbər verir ki, bu barədə məlumatı şirkətin qurucusu Ren Zenqfey deyib. O bildirib ki, gələn aydan məhsulların kütləvi istehsalına başlayacaq. “Huavey”in avqust və senytabrdakı testlərinin uğurla tamamlandığını qeyd edən Zenqfey təxminən 5 min ABŞ komponentinin yerlisi ilə əvəz edildiyini bildirib. Şirkət rəhbəri növbəti ildə telekommunikasiya avadanlıqlarının satışında 2.5 faiz artım gözlədiklərini qeyd edib.