ABŞ prezidenti Donald Tramp İŞİD terror təşkilatının lideri Əbubəkr əl-Bağdadinin öldürülməsi üçün keçirilən əməliyyatda yaralanan itə medal verdiyi görüntüləri “ABŞ-ın qəhrəmanı” qeydi ilə rəsmi Tvitter hesabından paylaşıb. ONN media xəbər verir ki, prezident və itin yer aldığı görüntülərin saxta olduğu üzə çıxıb. Belə ki, fotonun orijinalı Trampın Vyetnam səfərində bir qaziyə medal taxdığı zaman çəkilib. Trampın son paylaşdığı fotoda isə qazinin yerinə it montaj olunub. Prezidentin bu paylaşımı ABŞ mətbuatı və sosial mediada lağlağı mövzusuna çevrilib. İtin adı isə hələ də gizli saxlanılır. Qeyd edək ki, Bağdadi Suriyanın İdlib şəhərində baş tutan əməliyyatlar zamanı ölü ələ keçirilmişdi. Pentaqon Bağdadinin nəşindən götürülən nümunələri tibbi ekspertizaya göndərmiş və qalıqların ona aid olduğunu açıqlamışdı.