Türkiyənin İstanbul şəhərində ictimai nəqliyyatda gedişhaqları bahalaşıb. ONN media xəbər verir ki, İstanbul İşçi və Sənətkarlar Peşə İttifaqı özəl sərnişindaşıma avtobusları, metro və metrobüs, İstanbul Elektrikli Tramvay və Tunel Müəssisəsinin nəqliyyatlarında 35 faiz artım olduğunu açıqlayıb. Yeniliyə görə, bu xidmətlərdən istifadə tariflərində ən qısa məsafə üçün 2,60 TL deyil, 3,50 lirə ödəmək lazım gələcək. Qərar İstanbul Böyükşəhər Bələdiyyəsinin təsdiqindən sonra qüvvəyə minəcək.