Tərkibi: 200 q "Malyutka" uşaq yeməyi, yaxud quru süd 50 q kakao 250 q şəkər tozu 200 q kərə yağı Hazırlanması: Qazana 100 ml su tökün, şəkər tozu əlavə edin. Qaynara düşəndə yağ əlavə edin, orta itilikli odda, qatılaşanadək bişirin (təxminən 30 dəqiqə). Uşaq yeməyini (yaxud quru südü) kakao ilə qarışdırın. Az-az şəkərli-yağlı qarışığı əlavə edin (hamısını tökməyin, yarısı lazım olmaya da bilər). Yaxşıca qarışdırın. Qarışıq ovxantı, narın suxarı kimi olmalıdır. İsti qarışıqdan qoz boyda kürələr hazırlayın. Bunları kakao və şəkər pudrasının qarışığına batırın (həmçinin xırdalanmış qoz, yaxud kokos yonqarına da batıra bilərsiniz).(Dadlı.az) Nuş olsun!