Aprelin 23-nə keçən gecə Bakının Binəqədi rayonundakı "Neptun” supermarketlərindən birində külli miqdarda oğurluq hadisəsi baş verib. ONN media bildirir ki, bu barədə hüquq-mühafizə orqanları məlumat yayıb. Naməlum şəxsin qapıdakı dəmir barmaqlığı kəsməklə, Biləcəri qəsəbəsində yerləşən "Neptun” supermarketinə daxil olaraq, 8 000 manat pulu oğurladığı məlum olub. Oğurluq hadisəsi 6-cı Polis Bölməsinin əməkdaşları tərəfindən araşdırılır. Qeyd edək ki, ötən gün ərzində Daxili İşlər Nazirliyinin paytaxt şöbələrinin əməkdaşları tərəfindən 22 oğurluq faktı qeydə alınıb.