“Azəriqaz” və “Azərişıq” smart-kartlarına ödəniş terminallarında 10 manat vəsaitin hədiyyə edilməsi ilə bağlı yalan məlumat yayan şəxs barədə araşdırma aparılır. Bu barədə Daxili İşlər Nazirliyinin mətbuat xidmətindən bildirilib. “Sözügedən məsələlərlə bağlı "Azəriqaz" və "Azərişıq"dan Daxili İşlər Nazirliyinə müraciət edilib. Hazırda araşdırma aparılır", - nazirlikdən deyilib. Qeyd edək ki, sosial şəbəkələrdə smart-kartlara ödəniş terminallarında əlavə 10 manat vəsaitin hədiyyə edilməsi ilə bağlı yanlış məlumatlar paylaşılıb. Nəticədə ödəniş terminallarının qarşısında lüzumsuz yerə böyük sıxlıq yaranıb ki, bu da karantin qaydalarının ciddi pozulmasına gətirib çıxarıb.axar.az