Ətriyyat və kosmetik vasitələri satan mağazaların yenidən fəaliyyətə başlaması, xüsusən də xanımlar üçün çox sevindirici xəbər oldu.

ONN media Baku.Tv-yə istinadən xəbər verir ki, bu cür ticarət obyektlərində müəyyən məhdudiyyətlər var. Ona görə müştərilər də, satıcılar da qoyulan məhdudiyyətlərə əməl etməlidirlər.

Satıcılar qoyulan qaydalara riayət etdiklərini bildirilirlər. Müştərilərə isə bununla bağlı əvvəlcədən xəbərdarlıq edilir.

Həkim-kosmetoloq Leyli Məmmədovanın sözlərinə görə, müştəri birdəfəlik istifadə üçün nəzərdə tutulan kosmetik vasitə tələb etməlidir. Əks halda, kiminsə məsləhəti ilə alınan kosmetik vasitələr dəridə müəyyən problemlərin yaranmasına səbəb ola bilər.

Nümunə üçün ayrılmış kosmetik vasitələrdən istifadə edə bilməyəcəmiz halda mağazalara getməkdənsə, görünür, elə ən yaxşısı evdən onlayn qaydada sifariş etməyimizdir