Mayın 31-dək ölkədə böyük ticarət mərkəzlərinin fəaliyyətinə icazə verilmir.

ONN media xəbər verir ki, bu barədə Baş Nazir Əli Əsədovun imzaladığı qərarda deyilir.

Qərara əsasən nəzdindəki ərzaq mağazaları, apteklər və müştəri ilə təmasda olmayan obyektlər istisna olmaqla, ölkə ərazisində iri ticarət mərkəzlərinin fəaliyyəti 31 may saat 00:00-a kimi dayandırılır.

Nazirlər Kabinetinin qərarında əyləncə məkanlarının da bağlı qalacağı bildirilir:

"İstirahət və əyləncə məkanlarının, həmçinin uşaq əyləncə məkanlarının (bulvar və parkların ərazisindəki daxil olmaqla) fəaliyyəti 31 may tarixinədək qadağandır".