İnsanlar yalnız yaşadığı blokun yaxınlığındakı qablara zibil atmaq üçün çıxa bilər. ONN media  xəbər verir ki, bunu Nazirlər Kabineti yanında Operativ Qərargahın bu gün keçirilən mətbuat konfransında Baş Dövlət Yol Polisi İdarəsinin İctimaiyyətlə əlaqələr şöbəsinin rəisi, polis polkovniki Kamran Əliyev deyib. Onun sözlərinə görə, əgər məişət tullantıları qabı uzaqdadırsa, ora getməyə icazə verilmir: "Həmin şəxs 200-300 metr zibil atmaq üçün yaşayış yerini tərk edə bilməz. Bu üsuldan sui-istifadə edənlər məsuliyyətə cəlb ediləcəklər. Yəni zibil atmaq adı ilə yaşayış yerindən uzaqdakı əraziyə getmək qadağandır. 2 gün müddət çox deyil. Həmin zibilləri evdə də qapalı qabda saxlamaq olar".