Azərbaycanın yerli ali təhsil müəssisələrində təhsil almaq istəyən əcnəbilərin qəbul qaydaları Nazirlər Kabinetinin 125 nömrəli qərarı ilə müəyyənləşir. ONN media  xəbər verir ki, bu sözləri “2019-2023-cü illərdə Dövlət Proqramı”nın İdarəetmə Qrupunun rəhbəri səlahiyyətlərini müvəqqəti icra edən Müjdət Həsənov keçirilən onlayn konfrans zamanı deyib. Onun sözlərinə görə, bakalavr səviyyəsində təhsil almaq istəyən əcnəbilərin sənəd qəbulu sentyabr ayının sonuna kimi həyata keçirilir: “Magistratura pilləsinə qəbul isə ildə iki dəfə - sentyabr və yanvar aylarında olur. Onu da qeyd edim ki, bu məsələdə universitetlərə muxtariyyət verilib”.