Türkiyənin Şərqi Aralıq dənizində fəaliyyətdə olan “Oruç Reis” gəmisini mühafizə edən döyüş gəmilərinə ilk atəşi açmama və qarşı tərəfdən hər hansı həmlə gələcəyi təqdirdə lazımi tədbirləri görmək istiqamətində təlimat verilib. ONN media  xəbər verir ki, bu barədə ötən gün Türkiyənin Nazirlər Kabinetinin iclasında bildirilib. Bundan başqa, Yunanıstanın və bu ölkəyə dəstək verən Fransanın Şərqi Aralıq dənizi və Egeydə yaşanan prosesləri Birləşmiş Millətlər Təşkilatının Təhlükəsizlik Şurasına bildirmək cəhdləri əhatəli olaraq dəyərləndirilib. BMT-nin bu tərz mövzularda mövqe sərgiləmədiyi, bu mövzuların diplomatik yolla həllinə tərəfdar olduğu nazirlərin diqqətinə çatdırılıb.