Şərqi Aralıq dənizində seysmik tədqiqatlar aparan “Oruc Rəis” gəmisi Antalya limanına geri dönüb. ONN media  xəbər verir ki, təxminən 3 min 500 kilometrlik bir ərazidə araşdırma aparan gəminin NATO ilə başladılan danışıqlar səbəbiylə fəaliyyətini dayandırdığı və bu çərçivədə geri döndüyü bildirilib. Bu istiqamətdə gəminin limana qaytarılması qərarı regional problemlərin sülh yolu ilə həll edilməsi üçün diplomatiyanın təmin edilməsi baxımından atılan bir addım kimi qiymətləndirilir. Qeyd edək ki, “Oruc Rəis” Şərqi Aralıq dənizində 15 min kilometrlik ümumi ərazidə araşdırma aparacağı gözlənilirdi. Gəminin ilkin mərhələdə fəaliyyətlərini tamamlamaq üçün isə 25 sentyabr tarixinədək bölgədə olması planlaşdırılırdı.