Rusiya Müdafiə Nazirliyi Qara dənizdə ABŞ və Rusiya təyyarələri arasında gərginlik yaşandığını açıqlayıb. ONN media  xəbər verir ki, buna ABŞ-ın B-52 tipli bombardmançı təyyarələrinin Qara dəniz üzərində uçuş etməsi səbəb olub. Nazirlik bildirib ki, ABŞ təyyarələri radar sistemləri tərəfindən aşkarlandıqdan sonra Cənub Hərbi Bölgəsindən havaya 2 Su-27 və 2 Su-30 tipli döyüş təyyarələri qalxıb. Rusiya hərbi təyyarələrinin müdaxiləsindən sonra ABŞ təyyarələri hava sərhədindən uzaqlaşdırılıb. Müdafiə Nazirliyi, təyyarələrin əvvəlcə Türkiyənin hava məkanına daxil olduğunu, daha sonra isə Rumınıya üzərindən uçaraq bölgədən uzaqlaşdığını bildirib. Təyyarələrin İngiltərədən havaya qalxdığı və Qara dənizə Ukrayna üzərindən uçuş edərək giriş etdiyi qeyd edilib.