Respublika Diaqnostika Mərkəzində bütün qan qrupları üzrə kifayət qədər qan ehtiyatı toplanıb. ONN media  xəbər verir ki, bu barədə Respublika Diaqnostika Mərkəzindən məlumat verilib. Bildirilib ki, könüllü olaraq qan verən şəxslərin sayı həddən artıq çoxdur: “Artıq bütün qan qrupları üzrə kifayət qədər qan ehtiyatı yığılıb. Bu səbəbdən də Respublika Diaqnostika Mərkəzində qanvermə aksiyası dayandırılıb. Qanvermə ilə bağlı hər hansı yeni aksiya olarsa, bu barədə ictimaiyyətə məlumat veriləcək”.