Baş Prokurorluğun bir əməkdaşı Ermənistan silahlı qüvvələri tərəfindən atılan mərmi nəticəsində yaralanıb. ONN media  xəbər verir ki, bu barədə Baş Prokurorluğun Mətbuat xidmətinin rəhbəri Günay Səlimzadə məlumat verib. Onun sözlərinə görə, hadisə yerində istintaq hərəkətləri apararkən ermənilər tərəfindən atəş davam etdirilib. Bu zaman prokurorluğun əməkdaşı xəsarət alıb: “Onun həyatını xilas etmək üçün cərrahi müdaxiləyə zərurət yaranıb”.