Ermənistanda hərbi vəziyyət rejimi ləğv olunacaq.

ONN media xəbər verir ki, bu barədə Ermənistan baş naziri Aparatının rəhbəri Eduard Ağacanyan bildirib.

Onun sözlərinə görə, hərbi vəziyyətə görə qüvvədə olan qadağaların ləğvi ilə bağlı qərar çıxarılıb: "Tezliklə hökumətin 2 dekabr 2020-ci il tarixli 1917-N saylı fərmanı yayımlanacaq, ona görə respublikada 27 sentyabrdan bəri elan edilmiş hərbi vəziyyət çərçivəsində tətbiq olunan mitinq və tətillərin təşkili, keçirilməsi və iştirakına qoyulan qadağa ləğv ediləcək".

Bundan əlavə, ölkəyə giriş və çıxışın xüsusi rejimi, habelə media ilə bağlı məhdudiyyətlər də aradan qaldırılacaq.

Bundan əvvəl İnzibati Məhkəmə tətbiq edilmiş hərbi vəziyyət səbəbindən mitinqlərin keçirilməsinə qoyulan qadağanı ləğv edib.

Qeyd edək ki, Ermənistan müxalifəti 5 dekabrda genişmiqyaslı mitinq keçirəcək.