İran və Azərbaycan xarici işlər nazirləri İran paytaxtı Tehranda Dağlıq Qarabağ, regional məsələlər və ikitərəfli münasibətlər haqda müzakirələr aparıblar. ONN media  xəbər verir ki, bunu İranın Xarici İşlər Nazirliyinin mətbuat katibi Səid Xətibzadə özünün Tvitter səhifəsində yazıb. S.Xətibzadənin sözlərinə görə, İran müsbət qonşuluq siyasəti çərçivəsində işğal olunmuş ərazilərin azad edilməsi və əldə olunan nəticələri müsbət qarşılayır və münaqişənin siyasi yollarla daimi şəkildə həll edilməsinin tərəfdarıdır.