Türkiyə və Rusiya Federasiyası arasında imzalanan sənədə əsasən atəşkəsi qorumaq və izləmək məqsədi ilə yaradılacaq Ortaq Mərkəzin ən qıza müddətdə fəaliyyətə başlaması üçün işlər Azərbaycan və Rusiya ilə koordinasiyalı şəkildə davam etdirilir. ONN media  xəbər verir ki, bu barədə Türkiyə Milli Müdafiə Nazirliyinin İctimaiyyətlə əlaqələr şöbəsinin əməkdaşı, polkovnik-leytenant Nadidə Şəbnəm Aktop deyib. Onun sözlərinə görə, Ermənistan işğalından azad edilən ərazilərdə qardaş Azərbaycan Ordusuna dəstək məqsədi ilə minalardan təmizləmə birliyi tərəfindən təlimlər keçirilir. “Azərbaycanı 44 gün davam edən Bir Vətən Hərəkatı ilə öz torpaqlarını Ermənistan işğalından azad etməsi münasibətilə bir daha təbrik edirik. Türkiyə olaraq, “iki dövlət, bir millət” anlayışı ilə bu günə qədər kədərdə və qürurda yanında olduğumuz can qardaşlarımızın bundan sonra da yanlarında olmağa davam edəcəyik”, - Aktop bildirib.