Rusiya Prezidenti Vladimir Putin yenidən prezidentliyə namizəd ola bilər. ONN media  xəbər verir ki, bu barədə Rusiya Dövlət Dumasının qanun layihəsində bildirilib. Qəbul edilən yeni qanuna əsasən, Putin daha iki müddət prezident seçkilərində iştirak edə bilər. Yeni konstitusiya müddəalarına əsasən, qanun layihəsi prezidentliyə namizədlər üçün əlavə şərtlər də təqdim edir. Bunun üçün Rusiya vətəndaşı olmaq, ən azı 25 il bu ölkədə daimi yaşamaq, xarici vətəndaşlığı və ya başqa bir ölkədə yaşamaq üçün icazə sənədi olmaması labüddür. Prezidentliyə namizəd olmaq üçün minimum yaş həddi isə 35-dir.