Ermənistanda baş nazir Nikol Paşinyanın istefası tələbi ilə etirazlar davam edərkən, Azərbaycandakı hadisələr də gündəmlərindən düşmür. ONN media   xəbər verir ki, Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin ötən gün işğaldan azad olunan rayonlara səfəri düşmən ölkənin mediasının əsas müzakirə maddəsindən biridir. Azərbaycanda qalib əhval-ruhiyyənin hökm sürməsi kapitulyasiyaya uğrayan separatçıları narahat etməyə bilməz. Hətta onlar Azərbaycanda İlham Əliyevin Makedoniyalı İsgəndər obrazından az olmayan qədər rəğbət gördüyünü dilə gətirirlər. Halbuki Ali Baş Komandanın xalq tərəfindən “Əsrin sərkərdəsi” adlandırılmasının sübuta ehtiyacı belə yoxdur. Çünki Qarabağın işğaldan azad olunması ilə Azərbaycan 200 ildən sonra parçalanmış torpaqlarının bir hissəsini geri qaytarıb və bu, İlham Əliyevin komandanlığı ilə həyata keçirilib. Ermənistan Şuşada Azərbaycan Dövlət Təhlükəsizliyi Xidmətinin regional şöbəsinin yeni inzibati binasının açılışını da gözdən qaçırmır. Azərbaycan Respublikasının Prezidenti İlham Əliyev bu gün 59 yaşını qeyd edir.