Göyçə gölünün ətrafında yeni yeraltı təkanlar ehtimalı qalmaqdadır.

ONN media xəbər verir ki, bu barədə Ermənistanın Fövqəladə Hallar Nazirliyi bildirib.

Seysmik monitorinq şəbəkəsinin məlumatına görə, zəlzələdən əvvəl seysmik anomaliyaların sayı artıb və bunlar hələ bitməyib. Bu, güman etməyə əsas verir ki, Ermənistanda və ona yaxın ərazilərdə yaxın günlərdə seysmiklik zəif və güclü zəlzələ şəklində davam edəcək.

Qeyd edək ki, ötən gün axşam saatlarında Ermənistanda 5.2 bal gücündə baş verən zəlzələ Azərbaycanın qərb rayonlarında da hiss edilmişdi.